Nën organizimin e Presidencës së Kosovës, Vjosa Osmani, është mbajtur konferenca me temën “Avancimi i përfaqësimit dhe rolit të grave në ushtri: Një hap drejt barazisë më të madhe gjinore, paqes dhe sigurisë”, e cila organizohet në kuadër të Qendrës Rajonale të Ekselencës për Gratë, Paqen dhe Sigurinë në Kosovë, raporton Ekonomia Online.
Osmani tha se niveli i punësimit të grave prej 10 për qind në ushtri në vend është i ulët dhe për këtë ajo bëri thirrje që në konkurset e ardhshme Ministria e Mbrojtjes t’iu mundësohet dispozita të veçanta të punësimit të grave.
Ajo tha se gratë ushtare janë imazhi i Kosovës dhe FSK-së që dëshiron ta shoh edhe në të ardhmen.
“Kosova po shquhet jo vetëm brenda rajonit, por edhe në nivel ndërkombëtar. Në këtë drejtim ka shumë punë për t’u bërë, bota po përballet me sfida shumë komplekse. Aty ku ka pabarazi gjinore nuk ka sukses. Niveli prej 10 për qind është tejet i ulët, ne mundemi të bëjmë më shume se kaq. Javën e kaluar isha në takime në selinë e NATOS dhe tema që u hap ishte pikërisht tema e agjendës së avancimit të grave në siguri. Për t’ia dal me sukës nuk mjaftojnë vetëm fjalët, na duhen vepra e resurse të bollshme. Ka sfida me të cilat ballafaqohen gratë në ushtri, pikërisht për shkak të paragjykimeve kulturore edhe institucionale kemi kaq shumë mundësi të humbura për gratë. Ka raste kur grat ballafaqohen edhe me ngacmime seksuale në punën e tyre. Është esenciale që në ushtri të përfshihen kurrikula për të trajtuar këto. Është me rëndësi që në konkurse që do të të hapen në të ardhmen dhe të kemi dispozita të veçanta ashtu siç e lejon edhe Kushtetuta të kemi mjete afirmative që sa më shumë gra të konkurrojnë dhe të bëhen pjesë e ushtrisë tonë” ka thënë ajo.
Ministri i Mbrojtjes Ejup Maqedonci, tha se gjatë historisë së Kosovës shumë gra kanë kontribuar në lirinë e vendit në mënyra të ndryshme.
Ai ka thënë se si Ministri kanë krijuar infrastrukturë ligjore që krijon barazi gjinore të barabartë për të gjithë.
“Në Kosovë gratë dhe vajzat kanë qenë ato që kanë përjetuar mizorit. 20 mijë është numri i grave të dhunuara. Do të vazhdojmë që të angazhohemi në eliminimin e pengesave që stagnojnë avancimin e grave në Forcë. MB-ja ka krijuar infrastrukturë ligjore që krijon barazi gjinore të barabar për të gjithë. Gratë ushtare sot operojnë në kushte me të mira. Të gjitha masat e ndërmarra janë shtysa dhe inkurajojmë për integrimin e graave në ushtri. Nuk ka dyshim që gratë janë kompetente për të kryet të gjitha detyrat”, ka thënë ai.
Drejtori i Ekipit Këshillues dhe Ndërlidhës të NATO-s (NALT), gjeneral brigade Christian Nawrat ka thënë se politika e re e NATO-s i parasheh katër pika, i pari që të fuqizohen lidershipi për reagim dhe llogaridhënie.
“NATO dëshiron që të promovojë agjendën e grave të paqes dhe sigurisë në të gjitha shtetet. Barazia gjinore dhe kjo agjend reflekton detyrat dhe prioritetet e Aleancës që janë integrale për paqen. Politika e re e NATO-s i parasheh katër pika, i pari që të fuqizohen lidershipi për reagim dhe llogaridhënie, i dytë që të rritet numri i grave në vendimmarrje, të mbrohen gratë dhe vajzat nga dhuna”, ka thënë ai.
