Nisma Socialdemokratike ka mbajtur sonte tubim me anëtarët dhe përkrahës të saj në Suharekë, ku kryetari i këtij subjekti, Fatmir Limaj, tha se morën mbështetje për të vazhduar “veç me vepra”.
“Nga Suhareka morëm mbështetje të jashtëzakonshme për të vazhduar veç me VEPRA”, ka shkruar Limaj, në Facebook.
“NISMA Socialdemokrate është e gatshme të kthejë shpresën dhe normalitetin, jo vetëm në Suharekë, por në tërë Kosovën”.
Sipas Limajt, sfidat e qytetarëve janë bërë gjithnjë e më të mëdha në këto 5 vitet e fundit; ata kërkojnë një përgjigje të qartë dhe veçVEPRA konkrete.
“Ne jemi të angazhuar për të ndryshuar realitetin dhe për të sjellë zhvillim të qëndrueshëm.NISMA ka #veçVEPRA, ato i duhen Suharekës dhe Kosovës, prandaj jemi angazhuar për të sjellë ndryshim real, që do të prekë çdo qytetar dhe çdo familje”.
“Përmes programit tonë, ne do të punojmë për të përmirësuar kushtet e jetesës, për të mbështetur zhvillimin ekonomik, arsimin cilësor, sigurinë dhe antarësimin në NATO”.
