Me 6 vota pro, Komisioni për Shëndetësi dhe Mirëqenie Sociale ka miratuar amendamentin në kuadër të Projektligjit për sigurimin e detyrueshëm të kujdesit shëndetësor për viktimat e dhunës seksuale gjatë luftës, raporton Ekonomia Online.
Ministri i Shëndetësisë, Arben Vitia ka thënë se buxheti për shëndetësi do të rritet ende dhe do t’i shtohet edhe nga pjesa e mbledhur prej kontributeve në mënyrë që, sipas tij të rriten shërbimet bazë në mënyrë më të mirë dhe më cilësore të mundshme.
“Viktimat e dhunës seksuale të fshihen dhe amendamenti i dytë tw shtihet paragrafi viktimat seksuale të dhunës sipas ligjit nw fuqi. Buxheti për shëndetësi do të rritet akoma ashtu do t’i shtohet edhe nga pjesa e mbledhur nga kontributet në mënyrë që të rritet shërbimet bazë në mënyrë më të mirë dhe më cilësore të mundshme. E kemi ngritur si çështje sigurimet shëndetësore ku mblidhen nga qytetaret 3,5 për qind, ne duhet t’i themi ka bërë investime në të mirën e tyre. Kur tw përgatitën të gjitha kushtet që tw fillojmë tutje”, tha Vitia.
Kryetarja e këtij komisioni, Fatmire Kollçaku ka theksuar se ky amadament është i mirëpritur, si kategoria më e ndjeshme dhe se është vullneti që ky projektligj të jetësohet.
“Dëshiroj nga zyrtarët ligjor prezent që realisht ky amendament i shumë pritur sidomos nga viktimat e dhunës seksuale të luftës që kanë vuajtur shumë, ata e kanë fituar statusin, por prej tash kur të miratohet projektligji ata mund të gëzojnë sigurimet shëndetësore. Të gjithë kemi vullnetin që kjo të jetësohet, ato e kanë përfituar statusin me një ligj dhe fitojnë këtë të drejtë me rregullimin e këtij ligji. Viktimat e dhunës të cilëve iu njihet statusi me ligj dhe shumë prej kategorive kanë dhe pasqyrën sociale, ligji është i mirëpritur dhe krijon mundësi shtesë për secilin kategori. Çdo kategori duhet të përfshihet”, ka theksuar Kollçaku.
Anëtari i këtij komisioni, Bekim Haxhiu ka thënë se në këtë amendament nuk janë të përfshirë të gjithë kategoritë e kontribut dhënësve gjatë luftës.
Mos implementimi i sigurimit shëndetësor, Haxhiu theksoi se është projekt i mangët dhe konfuz për qytetarët.
” Procedurat që kalon projektligji nuk përmbyll nevojat dhe kërkesat e qytetarëve në veçanti. Ne kemi projektligj për sigurimet shëndetësore, por nuk kemi pasur implementim të tij tek lirimi i pagesës prej kontributeve, por janë edhe disa prej kategorive të veçanta që nuk janë të përfshira në këtë amendament. Ky projekt na vjen në fund të mandatit premtim i dështuar ky është lajthitje për të menduar qytetaret që po bëhet implementimi i këtij projektligji. Është projektligj i mangët konfuzë dhe me interpretime të shumëfishta. Katër vite iu është dashur të bëhet ky projektligj në dite, është shkruar një gjysmë dite. Nëse i besojmë ministri janë mbi katër mijë të punësuar dhe pagat i kanë mbi 700 euro gjë që është e vërtetë. Shumë vende kanë filluar me nivelin e ulët të kontributeve, kjo do të duhej të kishte një kalkulim.”, ka thënë Haxhiu.
