Kombëtarja e Kosovës do të luajë kundër Islandës, në ndeshjen e “play-off”-it për promovim në Ligën B të Ligës së Kombeve. Një gjë e tillë u vendos sot në shortin e tërhequr në selinë e UEFA-s në Nion.
Ndeshjet e “play-off”-it zhvillohen në mars të vitit të ardhshëm. Kosova dhe Islanda janë takuar edhe më parë, në ciklin kualifikues të Botërorit 2018.
Ndeshja e parë Kosova – Islanda do të luhet në stadiumin “Fadil Vokrri” në Prishtinë më 20 mars, derisa ajo kthyese zhvillohet pas tri ditësh në Reikjavik.
Të pranishëm nga Federata e Futbollit e Kosovës ishin presidenti Agim Ademi, përzgjedhësi Franco Foda, zv/drejtori i Kombëtares, Samir Ujkani dhe menaxheri Bajram Shala.
Kosova ndaj Islandës ka luajtur dy herë në kualifikimet për Botërorin “Rusia 2018” dhe të dyja i ka humbur (2:0 dhe 2:1)
