Manchester United përfundoi pritjen njëvjeçare për një fitore në Europë, duke mposhtur PAOK 2-0 në “Old Trafford”.
Ndeshja ka nisur me shansin e parë të grekëve, kur Zivkovic ka dërguar një pasim të rrezikshëm në zonë.
United e ka marrë gradualisht kontrollin, duke krijuar disa raste premtuese.
Megjithatë, është dashur pjesa e dytë, përkatësisht pesë minuta pas pushimit për të gjetur rrugën drejt golit. Një krosim i saktë i Fernandes është kthyer në gol nga Amad, duke kaluar vendasit në epërsi. Amad ka vazhduar me vrull dhe në minutën e shtatëdhjetë e shtatë ka shënuar përsëri pas një gabimi të mbrojtjes së PAOK, duke vulosur fitoren me rezultatin 2-0.
Pas kësaj fitore, United gjendet në vendin e pesëmbëdhjetë në tabelën e Europa League me gjashtë pikë, ndërsa PAOK mbetet në vendin e tridhjetë e tretë me vetëm një pikë. Tabela udhëhiqet nga Lazio, që ka mbledhur dymbëdhjetë pikë pas ndeshjeve të fundit.
