Intervistë me avokatin: Asdren Bytyqi
Intervistoi për Gazetën Frymëzimi: Fatijona Bajraj
F.Bajraj: Prej nga rrjedhi nevoja për një kualicion të tillë?
A.Bytyqi: Në vitet e fundit Kosova është ballafaquar me rritje të fuqisë politike të agjendave liberale të lgbt-së dhe feminizmit ekstrem, të cilat kanë arritur që të shtyejnë agjendat e tyre degraduese për shoqërinë, përmes mbështetjes së fuqishme politike, veçanarisht të qeverisë së fundit, e cila drejtohet nga Lëvizja Vetëvendosje, një parti ideologjikisht e majtë. Këto agjenda sistematike përbëjnë rrezik të vërtetë për dobësimin e institucionit të familjes tradicionale dhe historike, e përbëre nga një burrë dhe një grua, duke krijuar kushte ligjore për zhvlerësimin e kuptimeve biologjike, natyraliste dhe sociologjike të familjes si institucion themelor I shoqërisë shqiptare, dhe të njeriut, si nocion biologjik dhe gjinor. Relativizimi liberal I individit si qenie e vetëpërcaktuar, relativizimi I gjinisë, biologjisë, lidhja e martesës në mes të personave të gjinisë së njejtë, barazia ligjore e çifteve homoseksuale me ato heteroseksuale, e drejta e adoptimit, ndërrimit të gjinisë sipas deshirës, lindjes së fëmijëve pa baballarë, përmes fekondimit artificial me donator të panjohur, shtrirja e propagandes lgbt në libra dhe ligjërimet në shkolla publike, janë arsyet që kanë zhvilluar një vetëdije të lartë politike, të anetarëve të këtij Koalicioni të gjërë politik per mbrojtjen e familjes tradicionale shqiptare, e cila vetëdije është përkthyer në një bashkim politik të grupit te intelektualeve dhe grupit te deputeteve, Partise se Drejtesise dhe Aleances Kosova e Re, për të themeluar “Koalicionin për Familje”.
F.Bajraj: Pse e keni emëruar si të tillë “Kualicioni për familje”?
A.Bytyqi: Emërtimi “Koalicioni për Familje” përshkruan aspiratën qendrore të angazhimit tonë politik dhe dëfton vlerat që përfaqëson kauza jonë, në mbrojte të familjes tradicionale, natyraliste, historike dhe universale, por edhe e individit si qenie bioloogjike dhe e femiut I cili është mishërim I arsimimit publik me këto vlera.
F.Bajraj: Cilat janë pritshmëritë tuaja në raport me popullin sa i përket votimit?
A.Bytyqi: Në vendet perëndimore shoqëria është gllabëruar nga dominimi I kulturës liberale, e cila ka goditur rëndë rendin e normave morale, religjioze dhe historike të atyre shoqërive, duke themeluar shoqeri pa asnjë qëllim të lartë, të zhveshur plotësisht nga trashëgimia historike e vlerave, e cila ka pasur baze religjioze të krishterë. Sot shoqëria moderne është kthyer në një levizje kuturu, pa asnjë drejtim të dallueshem, ku vetëm funksionet hedonike të trupit, bukuria dhe paraja janë percaktues të vlerës dhe përmbushjes njerëzore. Ky liberalizëm shtrëngues dhe militant, I ka dhënë hapësirë monopolizuese agjendës lgbt dhe agjendës ekstreme feminite në arsim, institucione publike, politikes së drejtesisë dhe kulturë, duke ndikuar që tek gjeneratat e reja dhe tek fëmijët të shtrihet indoktrimini ideologjik, I cili edukim publik e ka zëvendësuar të drejtën e prindërve për edukim të lirë të fëmijëve, në frymën e vlerave dhe bindjeve të tyre sociale dhe morale. Tek populli ynë, familja ka qenë dhe do të jetë institucioni kryesor I forimimit vleror të fëmijëve. Të majtët liberal (Lëvizja Vetëvendosje) po punojnë që këta fëmijë ti edukoje dhe formojë shkolla, përmes kurrikulave shkollore që normalizojnë dhe barazojnë lidhjen dhe martesën mes gjinive të njejta, ndërrimin e gjinisë, që përshkruajnë dashurinë si lidhje edhe mes personave të gjinisë së njejtë, që zhvlerësojnë gjininë si konstrukcion biologjik, relativizojnë babain dhe nënën si bartës të drejtës prindrore, duke e zëvendësuar me prindin 1 dhe prindin 2, ku gjinia nuk është e rëndësishme dhe ku numri fsheh gjininë, e cila mund të jetë nesër e njejtë edhe për prindin 1 edhe për prindin 2. Ne jemi të bindur që shoqëria do të mbështesë “Koalicionin për Familje”, pasi që ajo është e ndjeshme ndaj këtyre politikave të shthurrjes shoqërore dhe morale, duke parë edhe degradimin që kanë sjellur në perëndim. Une jam I bindur që familjet e mëdha, burrat dhe gratë që kanë luftuar dhe vdekur per këtë atdhe dhe për këtë liri, nuk kanë luftuar që Kosova të kthehet në shoqëri të tillë. Doktrina liberale është doktorinë gjithpërfshirëse, e cilla imponon dhe mbivendos një konsensus rreth saj, ku kultura liberale eshte kultura obligative për shoqerinë dhe është fe sociale, përjashtuese dhe intolerante. Ky realitet perëndimor nuk do të lejojmë të nënshtrojë edhe shoqërinë tonë, e cila është konservatore në këto pikëpamje.
F.Bajraj: Pse duhet një qytetar i Kosovës ta votoj kualicionin tuaj?
A.Bytyqi: Ne do të na votoje populli, sepse nuk do të lejojmë shtrirjen e agjendave të tilla në jetën publike, arsimore dhe institucionale. Nuk do të lejojme martesat mes dy mashkujve dhe dy femrave, ne nuk do të lejojmë adoptimin e fëmijëve tanë nga këta njerëz. Nuk do të lejojmë që të drejtat që I kanë ligjërisht një çift mes një burri dhe një gruaje, ti kenë edhe këta individë. Ne nuk do të lejojmë që fëmijët dhe të rriturit të kenë të drejtën që të ndryshojnë gjininë. Me ne në qeveri agjenda të tilla propagandistike nuk futet në shkolla dhe në libra shkollorë. Babai dhe nëna nuk do të zëvendësohet me prindi 1 dhe prindi 2. Do të e papranueshme që gratë që nuk I duan burrat, apo I urrejnë ata, të lindin fëmijë pa baballarë, nga donator anonim, pra fëmijë jetim me baballarë të gjallë, ku fëmijët nuk kanë të drejtë që të dijnë se kush është babai I tyre, nuk kanë të drejtë për trashëgimi, nuk kanë të drejtë që të njohin familjen e babait të tyre, pra gjakun e tyre, nuk kanë të drejtë të rriten me afërsine dhe prezencën edhe të figurës shembëllyese atësore. Këta fëmijë nuk mund të jenë mjete eksperimenti, për të dëshmuar autonominë e tyre identitare, e cila ka në qendër mosnevojën për burrë dhe për dashuri. Këta fëmijë do të rriten me trauma dhe do te stigmatizohen nga pjesa e tjetër e shoqërisë. Shoqëria jonë nuk mund të jetë shoqëri e eksperimenteve me njerëz, pasi që e drejta e fëmijët për ti njohur dhe për tu rritur me dy prindërit është e drejta dhe vlera më e rëndësishme për ne në një shoqëri.
F.Bajraj: Në fund të mandatit tuaj si do të jetë gjendja në Kosovë sipas planit që ju keni hartuar dhe do ta zbatoni?
A.Bytyqi: Përveç mbrojtjes së institucionit të familjes, ne do rishikojmë standardet kurrikulare në arsim, do të avancojmë politikat në zhvillimin ekonomik të vendit, duke joshur invisitorët e huaj, me mbështetje më të madhe infrastrukturore dhe politikave tatimore për invesitorët strategjik, duke synuar rritjen ekonomike te vendit dhe rritjen e mirëqenjes mesatare të çdo familje dhe çdo qytetari. Përmes zhvillimit ekonomik të vendit, synojmë forcimin e vlerës së punëtorit në tregun e punës dhe kthimin e një pjese të diasporës për të jetuar dhe punuar në Kosovë. Emigracioni mund të zvoglohet vetëm me reforma ekonomike që sjellin rritjen ekonomike të vendit. Ne synojmë që ushtria e Kosovës të jetë edhe më profesionale dhe Kosoven ta përfshijmë brenda këtij mandati në aleancën veriatlantike të NATO-s, të avancojme integrimin e Kosovës në struktura ndërkombëtare, rritjen e numrit të njohjeve dhe zgjerimin e raporteve diplomatike me shtetet që e kane njohur Republikën e Kosovës. Ne do te fuqizojmë pavarësinë e gjyqësorit, rrisim kapacitetet profesionale në luftën kundër krimit dhe korrupcionit dhe forcojmë institucionin e ndërmjetësimit në mardhëniet familjare edhe në rastet e dhunës në familje, ku ruajtja e martesës, vullneti I palës së dëmtuar dhe rritja e fëmijëve me dy prindër, do të jetë më e rëndësishme sesa gjykimi shoqëror. Shëndetësia është sektor I rëndësishëm dhe kritik për vendin tonë, ashtu që me reformat e realizuara në shëndetësi, do të modernizojmë instutucionet shëndetësore dhe krijimin e kushteve më të mira të punës dhe pagave për stafin mjekësor. Policët, ushtarët, zjarrëfikësit dhe gardianët e burgjeve do të kenë paga dinjitoze dhe kushte të mira të punes, per shkak të natyrës së rrezikshme të punës në fushat e sigurisë.
F.Bajraj: Çka humbë Kosova nëse nuk do të jeni ju pjesë e Kuvendit dhe politikës në vend?
A.Bytyqi: Ne do të jemi pjesë e legjislaturës së ardhshme me lejen e Zotit, duke qenë forca e re e ndryshimit të Kosovës dhe mbrojtjes së dinjitetit kombëtar dhe shoqëror, të nëpërkëmbur politikisht nga qeveritë e mëparshme. Kauza jonë qendore në mbrojte të familjes është një realitet politik në rritje në kontinentin Evropian, por edhe në Shba, duke qenë kauza përcaktuese për fitoret e partive të qendrës së djathtë në Itali, Hungari, Poloni e në vende te tjera të Evropes. Stuhia liberale që ka goditur Evropën, po godet edhe shoqërinë tonë. Ne do të mbrojmë brezat e ardhshëm dhe nuk të lejojmë që Kosova të kthehet në një shoqëri e dominuar nga agjenda dhe kultura lgbt.
F.Bajraj: A mendoni se do t’i arrini të vetëm (pa koalicione me parti të tjera) idetë dhe konceptrt tuaja politike?
A.Bytyqi: Është herët për të folur për koalicione politike paszgjedhore, por Koalicioni për Familje nuk do të shkel parimet politike për të cilat ka marrë besimin e qytetarëve. Çdo koalicion politik për ne do të ketë në qendër të negocimit parimet dhe vlerat të cilat ne proklamojmë.
