Intervistoi për Gazetën Frymëzimi: Ferdane F. Sahiti
F.Sahiti: Na folni pak për fillet e karrierës suaj, kur keni filluar të merreni pikërisht me letërsi? Pse bash poezia?
F.Ferati: Linda në vitin 1957 në Çabiq të Klinës.
Shkollën fillore e atë të mesme i kreva në Kijevë, ndërsa Fakultetin Filozofik (dega Letërsi e gjuhë shqipe) në Prishtinë.
Punova si profesor i Gjuhës shqipe mbi tri dekada në Shfmu “Esad Mekuli” në Caravik të Klinës.Tani pensionist.
Kam filluar të merrem me letërsi qysh herët, jo vetëm me poezi, por edhe me anekdota, pjesë teatrale dhe së fundi me kritikë letrare.
F.Sahiti: A mendoni që e keni arritur kulmin e karrierës suaj?
F.Ferati: Jo kulmi i karrierës nuk arrihet asnjëherë, gjersa jeni duke punuar në mënyrë sistematike e me dëshirën më të madhe në këtë fushë.
F.Sahiti: A kujtoni ndonjë kohë kur mendoni se keni dështuar në këtë fushë?
F.Ferati: Jo nuk kam dështuar asnjëherë, kjo është si rezultat i punës e pasionit që kam pasur ndaj letërsisë.
F.Sahiti: Sa e keni pas të vështirë dhe sfiduese të jeni këtu ku jeni sot?
F.Ferati: Gjithmonë në jetë më ka pëlqyer që t’i futna rrugëve të vështira, ngase aty e gjen suksesin.
Rrugët e lehta nuk të sjellin asgjë, pos dështimit. E për t’i hyrë këtij drejtimi lipset guxim dhe vetëm guxim e punë për t’i arritur qëllimeve tona, që padyshim janë të vlefshme edhe për shoqërinë.
F.Sahiti: Me çka mirreni jashtë kësaj, keni ndonjë profesion tjetër?
F.Ferati: Po profesioni im siç e ceka më lartë ishte mësimdhënia, profesor i Gjuhës shqipe, që ky profesion kishte lidhje të drejpërdrejtë me krijimtarinë time letrare.
F.Sahiti: A do të ju shohim mbase në një të ardhme të afërt në ndonjë fushë krejtësisht tjetër?
F.Ferati: Këtë rrugëtim si krijues i artit të bukur letrar nuk e ndërroj për asgjë tjetër, ngase këtë rrugëtim e kam dashur dhe kam arritur suksese, ku kam qenë në disa televizione, radio e mos të flasim për angazhimet tona të përditshme në orët e shumta letrare që zhvillohen në mbarë hapësirat shqiptare.
F.Sahiti: Çfarë komenti keni lidhur me gjendjen e letërsisë në përgjithësi në Kosovë dhe Shqipëri?
F.Ferati: Lidhur me këtë pyetje, kisha më thënë: se kurrë më shumë libra sesa sot s’ka pasur, po kurrë më pak lexues sesa sot s’ka pasur.
Kjo është për të ardhur keq. Ne sot nëse do të jem krijues i mirëfilltë, atëherë duhet që më shumë të lexojmë sesa të shkruajmë. Kjo është rruga më e mirë që të kemi suksese në letërsi në përgjithësi.
E po ashtu duhet të kemi një kritikë të mirëfilltë, të vlerëdohen drejt krijimet e letrare e jo pa kurrfarë kriteri të çmohen antivlerat e vlerat të mbesin nën hije.
F.Sahiti: Planet e juaja që do t’i realizoni së shpejti?
F.Ferati: Tani si çdo krijues që planifikon edhe unë kam planet e mia në të ardhmen.
Jam në pergatitjen përfundimtare të librit të njëmbëdhjetë, libër ky i një zhanrit tjetër letrar, pra, ky libër i takon kritikës letrare që së shpejti do të botohet.
Pra, në krijimtarinë time letrare përpos përmbledhjeve me poezi kam shkruar edhe një dramë për fëmijë, një libër me anekdota si dhe këtë të radhës me krikë letrare.
Nuk do të nalem se krijuari gjersa e kam shëndetin, ky është pasioni imqë nuk e ndërroj më asnjë profesion tjetër.
F.Sahiti: Si e shihni Kosovën dhe Shqipërinë pas 10 vitesh në fushën e letërsisë?
F.Ferati: Po mendoj si në çdo fushë tjetër të përparimit të Kosovës edhe letërsia do eci e do zhvillohet akoma më shumë.
Do kisha sugjeruar të çdo lexues që mendon të krijon, të lexon më shumë sesa të shkruan.
Vetëm me lexim, guxim e punë i arrijmë objektivat tona intelektuale e njerëzore. Librin mos e braktisni, ngase asgjë atë nuk mund ta zëvëndesonë.
