N’horizontin tem t’dynjasë hafëz
Çdo rè ngjyrën e përmallimit e ka
Prej kur t’bardhat n’flokë hafëz
Mue kaherë nisen me m’ra
Kalojka insani hafëz
Nëpër stacionet e dynjasë
Ma s’rani me e kalue i vijka
Në stacion t’mallit e sevdasë
Harta e dynjasë hafëz
Sa ka pllambë toke i kallxojka
Stintë e ftofta t’përmallimeve hafëz
Asnji hartë e dynjasë s’i diftojka
Sikur prej hërrkës t’shtjerrne hafëz
Çdo xerre e jemja rrjedh mall
Asnji pej s’un ma arrnoj kaderin
Që n’ezel m’ish pas shkrue n’ball
N’dynja tana kenkan mymkyn hafëz
Coll për mallin nuk kish derman
U rritka edhe pema e ullinit n’shkretinë
Ama mallengjimi kurrë s’paska zaman
