Kryetari i Aleancës për Ardhmërinë e Kosovës (AAK), Ramush Haradinaj, ka thënë se është krenar me kryetarët e komunave nga radhët e këtij subjekti politik.
Haradinaj ka thënë se kryetarët nga radhët e AAK-së, kanë vendosur standardin më të lartë të një qeverisjeje në komunë.
“Krenar me kryetarët e komunave që udhëhiqen nga Aleanca; Ardian Gjini, Bali Muharremaj, Zenun Elezaj, Smajl Latifi e Bashkim Ramosaj. Secili prej tyre më i mirë se tjetri. Gjatë qeverisjes së tyre, ka ndërruar për të mirë pamja e qyteteve e komunave të tyre. Ata kanë vendosur standardin më të lartë të një qeverisjeje në komunë”, ka thënë Haradinaj.
