Ministrja e Arsimit, Arbërie Nagavci ka njoftuar se brenda 24 orëve 60 mijë e 244 prindër kanë aplikuar për subvencionimin me tekste shkollore.
Nagavci ka bërë thirrje tek ata prindër që ende nuk kanë aplikuar që ta shfrytëzojnë këtë mundësi.
Postimi i plotë:
Të dashur prindër,
Një ditë më parë kemi hapur aplikimin për subvencionimin e teksteve shkollore në Platformën e-kosova.
Sipas të dhënave zyrtare, brenda 24 orëve kanë aplikuar gjithsej 60,244 prindër. Inkurajojmë prindërit që nuk kanë aplikuar ende që ta shfrytëzojnë këtë mundësi.
Në shërbimin tuaj është edhe numri i telefonit pa pagesë për çfarëdo pyetje që mund të keni rreth aplikimit: 0800 30 900 si dhe emaili: libri@rks-gov.net.
Ju siguroj se të gjitha ankesat do të shqyrtohen me kujdes.
