Sejdi Aliu u lind me 13.06.1997. Shkollimin fillor dhe atë të mesëm e kreu në Komunën e Drenasit. Për të vazhduar më pas me studimet Universitare për Gjuhë dhe Letërsi Angleze në Kolegjin Universum. Sejdia karrierën e tij si futbollist e filloi në Vendlindje ku fillimisht luajti për KF Ferronikli. Duke mos u mjaftuar me këtë Sejdia theu kufijtë duke u bërë pjesë e ekipit Iliria e Rosenheimit, më pas ka kaluar tek Kosova e Münchenit, Pladenscheim Stuttgart.
Intervistë me futbollistin: Sejdi Aliu
Intervistoi për Gazetën Frymëzimi: Fatijona Bajraj
F.Bajraj: Na folni pak për fillet e karrierës suaj, kur keni filluar të merreni me sport pikërisht me futboll?
S.Aliu: Ishte viti 2012 kur fillova të luaj si profesionist në klubin KF Ferronikeli, pra aty unë hodha hapat e mi të parë drejt futnollit.
F.Bajraj: A mendoni që e keni arritur kulmin e karrierës suaj?
S.Aliu: Kulmin nuk e kam arritur asnjëherë pasi edhe kisha lëndime por edhe trajnerët nuk të lejonin me ecë përpara shkaku që nuk kisha të njohshëm dhe para për t’i paguar.
F.Bajraj: A kujtoni ndonjë kohë kur mendoni se keni dështuar në këtë fushë?
S.Aliu: Dështim nuk mund ta quaj që ishte por, një lloj zhgënjimi.
F.Bajraj: Sa e keni pas të vështirë dhe sfiduese të jeni këtu ku jeni sot?
S.Aliu: Vështirë ishte dhe është ende por, me forcë e me punë arrihet gjithçka.
F.Bajraj: Me çka mirreni jashtë kësaj, keni ndonjë profesion tjetër?
S.Aliu: Pas futbollit kam edhe profesionin e mjeshtrit pasi që me futboll nuk arrija t’i përmbushja kërkesat dhe gjerat që duheshin prandaj medoemos më duhej të punoja. Aq më pak që me shkollimit universitar që kam kryer për gjuhën angleze nuk kam mundur të kyçem askund.
F.Bajraj: A do të ju shohim mbase në një të ardhme të afërt në ndonjë fushë krejtësisht tjetër?
S.Aliu: Shpresoj që po dhe besoj që shumë shpejt në fushën e komentimit dhe analizave të futbollit kombëtarë dhe ndërkombëtar. Pjesa e gazetarisë së sportit më ka pëlqyer gjithmonë dhe tani kam disa oferta që do t’i shqyrtoj dhe do të sjellim në jetë diçka të bukur.
F.Bajraj: Çfarë komenti keni lidhur me gjendjen e sportit në përgjithësi në Kosovë?
S.Aliu: Gjendja e futbollit në Kosovë ende mbetet shumë keq dhe mbrapa shteteve fqinje duhet shumë punë nga kryesia dhe shumë ndryshime për me ecë përpara si shtet europian.
F.Bajraj: Planet e juaja që do t’i realizoni së shpejti?
S.Aliu: Planet që do realizoj së shpejti është të futem në fushën e sportit dhe gazetarisë por, ndoshta do të aplikoj edhe për certifikatën e trajnerit të futbollit.
F.Bajraj: Si e shihni Kosovën pas 10 vitesh në fushën e sportit/futbollit?
S.Aliu: Kosova besoj dhe shpresoj shumë që në këto 10 vitet e fundit të kualifikohet për europian ose botëror.
