Xhemajl Rexha është rizgjedhur kryetar i Bordit të Asociacionit të Gazetarëve të Kosovës (AGK). Në Kuvendin Zgjedhor të mbajtur sot është zgjedhur dhe Kryesia e re e organizatës, që mbledh gazetarët dhe punonjësit e tjerë të medieve në Kosovë.
Me Statutin e ri të AGK-së, parashihet edhe pozita e nënkryetarit/es, në të cilën është zgjedhur Naile Dema Selmani (Radio Dukagjini).
Anëtarët e tjerë të Bordit janë zgjedhur: Milot Hasimja (Klan Kosova), Florandë Morina (T7), Blerta Dalloshi (TV Klan), Mehmet Krasniqi (TV Dukagjini), Fatlum Jashari (ATV), Jehona Hulaj (Telegrafi) dhe Besnik Velija (Gazeta Express).
