Intervistë me autoren e njohur: Ymrije Beqiri
Intervistoi për Gazetën Frymëzimi: Fatijona Bajraj
Ymrije Beqiri u lind më 25. 08. 1971, në Dubofc të Vushtrrisë. Sot ajo jeton dhe vepron në qytetin e vjetër të Vushtrrisë. Qysh në mësimet e shkollës fillore ajo filloi të merrej me shkrime, kryesisht me poezi. Poezitë e saja kanë përmbajtje dhe tematika të ndryshme për jetën, vendlindjen e saj, qytetin e vjetër, por më së shumti ajo i kushton poezi fëmijëve. Tani ajo punon me përkushtimi të madh me fëmijët në kopshtin “Foleja” në Vushtrri.
Veprat e botuara:
“Në kufijtë e harresës” (Poezi), Antologjin: “Na bashkoj poezia” (grup autoresh) bashkautore Ymrije Beqiri & Ilmi Dervishi, Antologji: “Të dashurosh nuk është mëkat”, bashkautorë Ymrije Beqiri & Hysen Ibrahimi, “Ndryshe ëndërrova” (Poezi), “Gjurmët e një luaneshe”(Poezi), “Koha e eklipsit” (Poezi), “Përtej mallit tim” (Poezi), Antologji grup poetësh; “na bashkoι poezia nr-5″autore e përbashkët; Ymrije Beqiri & Ilmi Dervishi, Libër për fëmijë “Nëpër shkronja do shëtisë” libri me poezi bashkautorë Ymrije Beqiri & Ilmi Dervishi, “Na bashkοn poezia nr-9 (Rreth flamurit 28 nëntor, grup poetësh), “Me vargun pikturoi” (Poezi), “Foleja ime” (Rrëfenja për fëmijë), “Udhëtim brezash për atdhe” (Monografi), “Si ta ndaloj kohën” (Poezi), “Ende pa aguar” (Poezi), “Letra në sirtar” (Poezi), “Vrragë të një kohe” (Roman), “Rrugëve të mia” (Poezi), “Aktivitetet personale letrare dhe kulturore” (foto-album), “Dhembje dhe dashuri” (Poezi ), “77 Lulëkuqe lirie” (Monografi për fëmijët e komunës së Vushtrrisë, të vrarë gjatë luftës së Kosovës 1997-1999).
Ka në dorë edhe disa vepra të tjera për botim. Pjesëmarrëse në shumë botime edhe në shumë revista, e nderuar më shumë çmime kombëtare dhe në nivel botërorë. Vargjet e Ymrijes u komponun në nota këngësh dhe janë mbi 25 tekste këngësh që ende këndohen. Përveç krijimtarisë letrare është dhe aktore në disa role në filma shqip.
F.Bajraj: Na folni pak për fillet e karrierës suaj, kur keni filluar të merreni pikërisht me letërsi?
Y.Beqiri: Që nga bankat e shkollës fillore kujtoj që kam filluar të shkruaj. Po, gjithmonë u kërkua poezia ime më shumë si në festa, ditët shkollë e tjera.
F.Bajraj: A mendoni që e keni arritur kulmin e karrierës suaj?
Y.Beqiri: Jo, unë mendoj se veç sa kam filluar ta marr vetën në këtë rrugëtim.
F.Bajraj: A kujtoni ndonjë kohë kur mendoni se keni dështuar në këtë fushë?
Y.Beqiri: Vitet e gjata që pauzova ku dihen shkaqet pse… kujdesi ndaj fëmijëve, familjes, lufta etj.
F.Bajraj: Sa e keni pas të vështirë dhe sfiduese të jeni këtu ku jeni sot?
Y.Beqiri: Mjaftë e vështirë, kam ba luftë me vetën time duke e shtyrë duke i thënë “ec” sepse isha pa përkrahje në çdo aspekt.
F.Bajraj: Me çka mirreni jashtë kësaj, keni ndonjë profesion tjetër?
Y.Beqiri: Punojë në kopshtin e fëmijve, jam nanë, gjyshe dhe pjesën tjetër merrem me ëndrrën time aktrimin.
F.Bajraj: A do të ju shohim mbase në një të ardhme të afërt në ndonjë fushë krejtësisht tjetër?
Y.Beqiri: Pres që do të jem e angazhuar edhe në shumë fusha tjera nga këto mund të ceku që e dua natyrën dhe bujqësinë.
F.Bajraj: Çfare komenti keni lidhur me gjendjen e letërsisë në përgjithësi në Kosovë?
Y.Beqiri: Sot shkruhet me shumë se që lexohet.
F.Bajraj: Planet e juaja që do t’i realizoni së shpejti?
Y.Beqiri: Plani im kryesor është t’i botoj disa dorëshkrime por, pak e pa mundur përshak të financave.
F.Bajraj: Si e shihni Kosovën pas 10 vitesh në fushën e letërsisë?
Y.Beqiri: Nuk mendoj të ketë ndryshim të madh sepse tregun e ka pushtuar teknologjia.
Ju falemidnerit shumë për ftesë në këtë intervistë. Kënaqësi të bashkëpunoj me ju. Suksese në këtë rrugëtim respekt për ju.
