Intervistë me poeten: Blerta Ferizi Krasniqi
Intervistoi për Gazetën Frymëzimi: Fatijona Bajraj
Blerta Krasniqi e lindur me 01.10.1996 në Mitrovicë, ka të përfunduar Fakultetin Juridik në Universitetin E Mitrovicës “Isa Boletini”. Tanimë jeton në Therandë ku edhe punon si zyrtare Ligjore. Pasion ka poezinë dhe letërsinë. Është pjesë e revistës Uji tashme e disa numra.
F.Bajraj: Na folni pak për fillet e karrierës suaj, kur keni filluar të merreni pikërisht me letërsi?
B.Ferizi Krasniqi: Fillimisht poezinë e kam hobi nuk kam ndërtua karrierë si shkak i shkrimit të poezive, karriera ime qëndron krejt në një fushë tjetër, ndërsa shkrimin e kam dashtë gjithmonë dhe sidomos shkrimin e poezive e shoh si ndjesi me duket që kur shkruaj lehtësohem.
F.Bajraj: A mendoni që e keni arritur kulmin e karrierës suaj?
B.Ferizi Krasniqi: Nuk e besoj që poezia apo shkrimet taman janë të lidhura me karriere, që nga kohët më të vjetra dihet që poetët e mirëfilltë nuk kanë qenë karrierist, janë gjendur në mes të popullit duke qenë si pikënisje e reflektimit të popullit. Por, mendoj që poezia dhe karriera nuk shkojnë bashkë.
F.Bajraj: A kujtoni ndonjë kohë kur mendoni se keni dështuar në këtë fushë?
B.Ferizi Krasniqi: S’ka dështim në poezi ato jane ndjenja të shkruara me lule. Mund të ketë ndonjë poezi që nuk më pëlqen ose nuk i pëlqen lexuesve të shkrimeve të mia, por atë nuk do ta quaja dështim sepse siç e ceka më lart shkrimi i poezive është ndjesi dhe nuk mendoj që në ndjesi duhet të ndërhyjmë edhe shkrimi i poezive është ndjesi momentale.
F.Bajraj: Sa e keni pas të vështirë dhe sfiduese të jeni këtu ku jeni sot?
B.Ferizi Krasniqi: Unë nuk mendoj që kam arritë ndoku, unë thjesht shkruaj. Normalisht që kënaqem kur tjerët i lexojnë dhe njëkohësisht i përjetojnë poezitë e mia.
F.Bajraj: Me çka mirreni jashtë kësaj, keni ndonjë profesion tjetër?
B.Ferizi Krasniqi: Unë punoj si zyrtare ligjore, një punë e cila pothuajse nuk ka të bëjë aspak me atë “Blertën tjetër” të shkrimeve por, sidoqoftë në të dyja unë ndihem mirë dhe rehat.
F.Bajraj: A do të ju shohim mbase në një të ardhme të afërt në ndonjë fushë krejtësisht tjetër?
B.Ferizi Krasniqi: Poezia t’i thellon mendimet, t‘bën të papërcaktuar. Të shtynë të eksplorosh në shumë fusha këto dy fushat e mia mund të zgjerohen ku di se ku do të më çojnë dallgët e mendimeve.
F.Bajraj: Çfare komenti keni lidhur me gjendjen e letërsisë në përgjithësi në Kosovë?
B.Ferizi Krasniqi: Eshte e shkapërdherdhun, e pa përshtatun mirë me zhvillimet e teknologjisë e thuajse shkrimi i printuar dhe era e fletës së librit është harruar. E ç’orientuar.
F.Bajraj: Planet e juaja që do t’i realizoni së shpejti?
B.Ferizi Krasniqi: Nëse qëndroj me mendimet e tashme besoj shumë shpejt kam me e bë një botim të një libri që të mbetet si provë e shkrimeve të mia, por jo si qellim i të berit biznes, po ku i dihet personat që shkruajnë zakonisht gjerat i bëjnë ad hok.
F.Bajraj: Si e shihni Kosovën pas 10 vitesh në fushën e letërsisë?
B.Ferizi Krasniqi: Nuk jam largpamëse. Nuk e di. Për momentin është e përhumbur.
