Një ditë e rëndë dhe e dhimbshme mbetet në kujtesën e çdo nënë. Leotrimi, djali i saj i drejtohet asaj me zë të dridhur: “Oj nanë, këqyr se edhe unë kam diçka në bark, jam sëmurtë prej barku.” Kur nëna e tij i heq rrobat e shikon me tmerr se barku i tij ishte qepur dhe zorrët i kishin dalë jashtë. Me dorë të dridhur i vë një xhemper për t’ia mbuluar plagën por, Leotrimi me dhimbje të madhe i thotë: “Ma nanë, mos më prek se po kam dhimbje shumë.”
Kjo skenë tragjike që përshkruan momentet e fundit të jetës së Leotrim Ahmetit, është përjetësuar nga artisti Sabri Behramaj në një skulpturë prekëse dhe kuptimplotë. Kjo skulpturë do të vendoset në Skenderaj si një monument kujtesë dhe nderimi për jetën dhe sakrificën e Leotrimit.
Skulptura nuk është thjesht një vepër arti, ajo është një simbol i fuqishëm i dhimbjes dhe kujtesës kolektive. Ajo përfaqëson të gjithë ata që kanë pësuar dhe humbur gjatë kohërave të vështira. Duke u vendosur në Skenderaj ajo do të shërbejë si një përkujtim i përhershëm për tragjedinë e Leotrimit dhe dhimbjen e papërshkrueshme të nënës së tij.
Kjo vepër do të jetë një vend për reflektim dhe kujtim për të gjithë ata që e shohin. Ajo na kujton se pavarësisht nga koha që kalon kujtimi dhe respekti për të dashurit tanë që janë vrarë dhe humbur në luftën e fundit duhet të mbeten gjithmonë të gjallë në zemrat tona. https://gazetafrymezimi.com/
