Intervistë me këngëtarin e ri: Albin Sahiti
Intervistoi për Gazetën Frymëzimi: Fatijona Bajraj
F.Bajraj: Na folni pak për fillet e karrierës suaj, kur keni filluar të merreni pikërisht me muzikë? Pse bash muzika?
A.Sahiti: Me muzik kam fillu shumë kohë më parë prej moshës 6 vjeçare e kam zbuluar talentin për muzikën ku fillimisht talentin tim e kanë zbuluar familjarët e mi. Kam kënduar gjithmonë këngë të ndryshme të asaj kohe, si i vogël e kam pasion të madh muzikën dhe prej asaj kohe ëndrra ime më e madhe ka qenë me u bo muzikant profesionist. Një ndër arsyet që më kanë shty për muzikë është se e kam vërejt se muzika është një gjë që unë mund ta bëj me vullnetin dhe dëshirën më të madhe dhe më plotëson në çdo aspekt.
F.Bajraj: A mendoni që e keni arritur kulmin e karrierës suaj?
A.Sahiti: Nuk mund të them që kam arritur në kombinacionin e karrierës sepse ka ende shumë punë për të bërë drejt këtij drejtimi, por jam dukë bërë mjaft progres rreth këtij drejtimi e sidomos këtë dy vitet e fundit është një gjë që e vërej dallimin vit pas viti sepse është një rrugë fortë e gjatë dhe nuk e kam ndërmend të dorëzohem.
F.Bajraj: A kujtoni ndonjë kohë kur mendoni se keni dështuar në këtë fushë?
A.Sahiti: Ka pasur kohë të ndryshme që jam dëshpëruar me jovlerësimet e ndryshme që më kanë goditur në këtë rrugë, mund ta ceki se fillimet e karrierës i kam pasur fortë të vështira, por kam pasur përkrahjen gjithmonë fatmirësisht kam pasur ndihmën e një muzikanti profesionist i cili më ka ndihmuar shumë e të cilin e falënderoj tej mase. Ky profesion është mjaft i vështirë dhe sigurisht që çdo muzikanti i ka ndodhur që të ketë ndjenjën e mërzisë për arritjet, por besoj se të gjitha kalojnë vetëm duke punuar.
F.Bajraj: Sa e keni pas të vështirë dhe sfiduese të jeni këtu ku jeni sot?
A.Sahiti: Siç e potencova më lart e kam pasur shumë të vështirë të bëj këta hapa në të cilët jam sot, sepse kam pas shumë vështirësi dhe konkurrencë mjaft të vrazhdë ka shumë raste të cilat kanë qenë shumë sfiduese për mua por mund ta cek se deri tash kam kaluar gjëra të ndryshme e tashmë jam një muzikant që merret më seriozisht sesa atëherë kur kam qenë në fillimet e mia, por e vërej se po shkoj në hapa të mirë.
F.Bajraj: Me çka mirreni jashtë kësaj, keni ndonjë profesion tjetër?
A.Sahiti: Më së shumti merrem me muzikën, por kam dhe një punë tjetër si punë të dytë mund të themi një punë e lehtë që më le mjaft kohë për muzikën që bën pjesë në fushën e biznesit.
F.Bajraj: A do të ju shohim mbase në një të ardhme të afërt në ndonjë fushë krejtësisht tjetër?
A.Sahiti: Asnjëherë nuk e mendoj të ndahem nga muzika dhe të kem tjetër profesion do të punoj fort dhe shpresoj se do ta realizoj ëndrrën për tu bërë muzikant profesional sepse të them të vërteten askund tjetër nuk e gjej rehatinë përveç se te muzika që do thotë se nuk kam orientime tjera.
F.Bajraj: Çfarë komenti keni lidhur me gjendjen e muzikës në përgjithësi në Kosovë?
A.Sahiti: Me thënë të drejtën industria e muzikës në vendin tonë është zhvilluar mjaft mirë, por të rrallë janë njerëzit që të dalin në ndihmë, një gjë është e sigurt se duhet me pas shumë mjete financiare për me mujtë me u bë muzikant, fatkeqësisht kështu ka ardhë puna në vendin tonë, pa pasur njoftësi dhe shumë mjete financiare është tepër vështirë me arritë. Unë e di se çdo këngëtar ka një gjë të veçantë që e dallon prej këngëtarëve tjerë, andaj unë besoj shumë në këtë gjë dhe punoj fort që të arrij sa më lartë në skenë.
F.Bajraj: Planet e juaja që do t’i realizoni së shpejti?
A.Sahiti: Kam shumë plane për muzikën kam ndërmend shumë projekte të ndryshme që dua ti realizoj sepse projektet janë rruga më e mirë që të bëhesh muzikant me famë. Kam plane të ndryshme që të kem sa më shumë mbrëmje rinore dhe dasma e ahengje të ndryshme, shpresoj ta kemi shëndetin dhe vetëm të punojmë dhe pastaj të presim rezultatet. Kam bindjen se do ja vlejë pritja…
F.Bajraj: Si e shihni Kosovën pas 10 vitesh në fushën e muzikës?
A.Sahiti: Si e ceka dhe më lartë muzika në Kosovë është zhvilluar mjaftë mirë e sidomos në këto kohët e fundit, shpresoj që në një të ardhme të afërt të vlerësohet e drejta, të vlerësohet ai që punon e të arrin ai që e meriton, siç po shkojmë me këta hapa muzika në vendin tonë do të zhvillohet ende më shumë, shpresojmë që me këto zhvillime të përfitojmë edhe ne shpresoj që të arrijnë gjithë ata që e meritojnë.Intervistë me
