Të dashur qytetarë,
Nuk kemi nevojë ta marrim drejtësinë në duar, përderisa vepron ligji. Vendimi i fundit i gjykatës, i cili shpalli fajtor të akuzuarin për kërcënim dhe kanosje ndaj meje dhe nje personi tjeter, është dëshmi e qartë e këtij fakti. Ky individ kërkoi 10 mijë euro duke kërcënuar se do të publikonte një video personale, por falë veprimeve të drejta dhe të vendosura të institucioneve të drejtësisë, ai tashmë është shpallur fajtor. Andaj, të gjithë atyre që e provojnë shantazhin si mjet për arritjen e qëllimeve të tyre, u themi stop!
Drejtësia është mbi të gjitha dhe askush nuk duhet të ndiejë frikë apo pasiguri për shkak të kërcënimeve të tilla. Ky vendim dërgon një mesazh të fortë se veprimet kriminale nuk do të tolerohen dhe se ligji do të mbrojë çdo qytetar. Le të qëndrojmë të bashkuar dhe të luftojmë së bashku kundër çdo forme të kriminalitetit, duke mbrojtur të drejtat dhe dinjitetin e çdo individi në komunitetin tonë.https://gazetafrymezimi.com/
