Donika Zogu nga Drenasi përfaqësoi rininë e Kosovës në një panel diskutimi të mbajtur në Beograd, ku u trajtua tema “Pritshmëritë e të rinjve në një të ardhme në BE”. Si përfaqësuese e Kosovës në Bordin Drejtues të Regional Youth Cooperation Office (RYCO), Donika mori pjesë bashkë me zyrtarë të lartë nga Ministria e Integrimeve Europiane, nënkryetaren e delegacionit të BE-së në Beograd, sekretarin e përgjithshëm të Forumit Strategjik Bled, përfaqësues të forumit rinor, përfaqësues të zyrës së RESCO, Konrad-Adenauer-Stiftung, kryeministrin e Serbisë dhe të tjerë.Në fjalimin e saj, Donika theksoi rëndësinë dhe pritjet e të rinjve të Kosovës për një të ardhme brenda Bashkimit Evropian.
Ajo nënvizoi se rinia e Kosovës, ashtu si bashkëmoshatarët e tyre në rajon, ushqen një ndjenjë të fortë optimizmi dhe dëshire për integrimin në BE. Donika shprehu bindjen se të rinjtë e Kosovës janë të gatshëm të kontribuojnë në proceset e BE-së dhe të marrin pjesë aktive në ndërtimin e një të ardhmeje të përbashkët evropiane.Ajo gjithashtu theksoi se Kosova ka një rini të shëndoshë dhe plot perspektivë, dhe bëri thirrje për njohjen dhe integrimin e Kosovës në BE.
Kjo do të krijonte mundësi të reja për të rinjtë kosovarë për të kontribuar në zhvillimin dhe prosperitetin e Bashkimit Evropian.Ky diskutim ishte një mundësi e rëndësishme për të adresuar aspiratat dhe sfidat e të rinjve kosovarë në kontekstin e integrimeve evropiane dhe për të theksuar rolin e tyre në këtë proces.
