EMËT NË VERË
Mollës -së hollës
iu ka tharë fyti,
për një gotë ujë
Dielli e mbyti.
Dardhës -së bardhës
iu ka tharë dora
nga vapë e verës
lëngon e gjora.
Kumbulla -sumbulla
s’mund t’i thotë kuj:
si t’shkojë të lumi
të pi pakëz ujë.
I pari -kopshtari
zgjohet që më natë,
pemëve të etura
u jep limonatë…
…………………………………..
DY SHITESE TE LULEVE
Zbresin n’qytet në mëngjes
Të shesin lule me vesë
Dhe sytë i kanë si lulet
Dhe fjalët si puhia kur ulet
Te loze me gjethe ne ere,
Te shperndaje parfum-pranvere.
Para fontanes shesin lila:
“Xhaxha a don trendafila?
Agulicet kushtojne lire
ja vjollcat ne doni me mire.”
Dy shitese te fontana presin,
Pranveren n’qytet na e shesin.
