Fazli Ferati-Poezi

SIKUR TA DIJE

Sikur të shohësh

me sytë e mi

aty nuk do qëndrosh

s’jeni të njëjtë ju të dy

Sikur ta njohësh

ashtu siç unë e njoh

do të ikësh sa më parë

dielli i tij kurrë s’do të ngroh

Sa po më dhimbsësh

për shkak të mosnjohjes

do ta kuptosh më vonë

që s’është fare mirënjohës

………………………………………………………

KOHA S’MJAFTON

Flisnim, flisnim e flisnim

koha s’mjaftonte

kishim gjithë etjen e fjalëve

që ndjenim në shpirt

njëri-tjetrit t’i tregonim

Koha s’mjafton

ajo e bën të veten

ikë si dielli në perëndim

atëherë prit ditën tjetër

kur dielli agon

pastaj fjala e mbetur

le të vazhdon

ME SHKAS

Kujdes, o njeri i mirë

mos u bër

argat i së keqes

se bëhesh më i keq

sesa i keqi

Lëre atë

ashtu siç është i lindur

se ndryshe s’bëhet

këtë e them

se është ligj i natyrës

pamëdyshje

Para se të japësh

një mendim

analizoje e shikoje mirë

mos nxito

as mos e vë veten

në dyshim

sepse nuk ia vlenë

për asgjë

as për asnjë çmim.