Donjeta Dragusha është emëruar drejtoreshë për Zhvillim Rural në Komunën e Prishtinës, ka njoftuar kryetari Përparim Rama.
Ai ka shkruar në Facebook se me vullnet e energji, Dragusha do të angazhohet për ta zhvilluar bujqësinë dhe turizmin rural, që sipas Ramës kanë potencial për agroturizëm.
“Me shkollimin e saj në fushën e ekonomisë, përvojën në udhëheqjen e institucioneve të ndryshme financiare dhe pozitën e këshilltares për ekonomi në institucione publike, jam i bindur se do ta shndërrojë këtë sektor në një burim të qëndrueshëm ekonomik”, ka shkruar Rama.
Ai e ka falënderuar ish-drejtorin e Bujqësisë, Plator Gërdovcin për punën dhe mbështetjen ndaj bujqve. Ai ditë më parë u lirua nga detyra.
