Manchester City dhe Chelsea kanë luajtur baras 1-1 në kuadër të xhiros së 25-të në elitën e futbollit anglez.
Chelsea morën të parët avantazhin me anë të Raheem Sterling, ndërsa Manchester City u kundërpërgjigjën me Rodrin për të barazuar shifrat.
Vlen të theksohet se edhe në përballjen e parë mes këtyre dy skuadrave nuk kishte pasur fitues, pasi ndeshja e luajtur në “Stamford Bridge” kishte përfunduar poashtu me rezultat të barabartë 4-4.
Tek Manchester City lojtari më i mirë në fushë sipas SofaScore ishte Rodri i cili u vlerësua me notën 8.4, ndërsa paraqitje shumë të mirë pati edhe Kevin De Bruyne që mori notën 8.1.
Ndërkohë te ekipi i Chelseat në anën tjetër, lojtari më i vlerësuar ishte Malo Gusto me 7.8, ndërsa ndeshje të mirë zhvilluan edhe Conor Gallagher dhe Enzo Fernandez që morën notën 7.4.
