Chelsea përmbys Crystal Palace në “Selhurst Park”, në takimin e javës së 24-ët të Premier League që mbyllet me rezultatin 1-3.
Vendasit ishin ata të cilët gjetën të parët rrugën drejt rrjetës, me Lerma që zhbllokoi sfidën me golin e realizuar në minutën e 30’.
Pjesa e parë u mbyll me rezultatin 1-0, ndërsa Chelsea gjeti barazimin në minutën e 47’, me Gallagher.
Ndërsa në minutën e 90+1’ i asistuar nga Palmer, Gallagher përmbysi rezultatin dhe kaloi “blutë” e Londrës në avantazh.
Takimi u vulos në minutën e 90+4’, ku edhe këtu asistin e dhuroi Palmer, por rrugën drejt rrjetës e gjeti Enzo Fernandez, që shënoi golin e tretë për Chelsea-n.
Pas kësaj përballjeje Crystal Palace renditet në vend të 15-të me 24 pikë, teksa Chelsea në vend të dhjetë me 34 pikë.
