Real Madridi dhe Girona do të luajnë të shtunën nga ora 18:30 në ndeshjen e xhiros së 24-t, në ndeshjen e rëndësishme për kreun e tabelës.
Reali është i pari me 58 pikë, e përcjellë nga Girona që ka 56 pikë.
Girona është duke bërë edicion ëndrrash në elitën spanjolle, dhe do të mundohet ta mbajë gjallë ëndrrën për titull kampioni.
Të dyja këto skuadra kanë humbur vetëm një herë në ligë në edicionin aktual.
Girona është duke u krahasuar me titullin historik të Leicester Cityt në Premier Leaguen angleze, në vitin 2016.
Por, trajneri i kësaj skuadre, Michel Sanchez, dëshiron vetëm që paraqitjet e mira të vazhdojnë deri në fund të kampanjës.
Humbjen e vetme, Girona në ligë këtë edicion e ka pësuar nga Real Madridi.
Jude Bellingham kishte shënuar një gol dhe kishte asistuar në dy të tjerët për fitoren 3:0 në muajin shtator.
Bellingham, sulmuesi i Gironas, Artem Dovbyk, dhe ai i Getafes, Borja Mayoral, janë golashënuesit më të mirë të ligës me nga 14 gola të shënuar.
Listës së asistuesve më të mirë të ligës u prijnë futbollisti i krahut te Girona, Savio, dhe mesfushori i Real Madridit, Toni Kroos, me nga shtatë asistime.
Barcelona, që është e treta në ligë me 50 pikë, do të luajë kundër Granadas së Myrto Uzunit, të dielën nga ora 21:00.
Sevilla ndërkohë do të jetë nikoqire e Atletico Madridit të vendit të katërt të dielën në orën 18:30.
Atletico ka 48 pikë.
