Kryeministri Albin Kurti ka thënë se ditëve në vijim do të flasë serbisht dhe t’i informojë më shumë serbët për çështjen e dinarit.
“Dinari nuk është ndaluar në Kosovë, qytetarët serbë mund ta mbajnë dinarin, por vetëm euroja është mjet pagese. Kemi dhënë aq shumë subvencione, ndihma sociale, për komunat me shumicë serbe, të gjithë i pranojnë eurot pa kurrfarë problemi”, tha Kurti në KS të OKB, shkruan Gazeta Sinjali.
“S’kemi asnjë rast që një qytetar serb i Kosovës ka thënë se nuk i merr eurot. Serbët e rëndomtë nuk e urrejnë euron”.
Kurti duket se i ka dëgjuar pak aleatët, por nuk premtoi pezullimin e vendimit të BQK-së, siç kërkuan shumë nga shtetet mbështetëse të Kosovës, përfshirë edhe Shtete e Bashkuara të Amerikës.
Do të bëj më shumë komunikim, më shumë informim për serbët në ditët vijuese përgjatë gjithë muajit. Do të flas në serbisht ashtu që të më kuptojnë ndoshta më mirë e më qartë. Sepse ne që kemi qenë nën okupimin e Serbisë e dimë gjuhën serbe, por ata nuk e kanë mësuar gjuhën tonë”.
“Do të flas në serbisht, nuk kam asgjë kundër serbëve, kam miq serbë, kam ministër në Qeveri, partia ime me votë të fshehtë e ka votuar zëvendësavokatin e popullit serb. Një prej katër anëtarëve të bordit në Trepçë që është ndërmarrja më e madhe minerale, Dragisha Kërstoviq nga Leposaviqi, është serbe”, tha Kurti në KS të OKB-së.
