Kaosi ka përfshirë një burg në Itali, pasi disa shqiptarë dhe nigerianë që po vuanin dënimin aty, janë përleshur me njëri-tjetrin.
Ngjarja ndodhi rreth orës 18:00 të ditës së djeshme, ku përleshja u pasua nga një zjarr, pasi disa nga të burgosurit u vendosën flakën batanijeve.
Po ashtu, duke përfituar nga kaosi, disa të burgosur të tjerë tentuan të arratiseshin. Më pas policia arriti të rivendoste rendin dhe sigurinë dhe të mbyllte qelitë e seksionit të shtatë, e ndihmuar edhe nga kolegë të ardhur nga institucionet e tjera penale.
Nga ngjarja mësohet se me tre punonjës të burgut mbetën të plagosur, por fatmirësisht ata ndodhen jashtë rrezikut për jetën.
