Një rast i abuzimit me substanca narkotike është zbuluar mbrëmë në fshatin Dardhishtë të Obiliqit, pasi një njësi policore që po patrullonte në rrugën ‘Martirët Halimaj’, ka ndalur për kontroll një veturë.|
Mësohet se gjatë kontrollit, tre të rinjtë janë kapur me cigare të mbështjellë me substancë të dyshuar narkotike të llojit marihuanë, sasi tjetër të marihuanës dhe peshore për matjen e narkotikëve.
Gjësendet e kundërligjshme janë sekuestruar, ndërsa tre të dyshuarit janë shoqëruar në stacion policor për intervistim.
Me urdhër të prokurorit, ndaj tyre është iniciuar rasti për veprën penale ‘Posedim i paautorizuar i narkotikëve, substancave psikotrope ose analoge’, sipas sinjalit.
Sipas Kodit Penal të Kosovës, është e jashtëligjshme që qytetarët të blejnë, posedojnë apo shpërndajnë substanca narkotike dhe mund të dënohen me gjobë apo burgim, varësisht nga sasia dhe lloji i lëndës narkotike që iu kapet nga autoritetet e rendit.
