Profesori Nexhmedin Spahiu ka thënë se do të ishte “tradhti kombëtare”, nëse kryeministri Albin Kurti e pranon themelimin e Asociacionit pa valuar flamuri i Kosovës në Beograd.
Spahiu parashikon që kryeministri Kurti do ta themelojë Asociacionin e Komunave me Shumicë Serbe.
Por, sipas tij, do të ishte “tradhti kombëtare”, nëse ai e pranon themelimin e Asociacionit pa valuar flamuri i Kosovës në Beograd.
“Kurti do ta bëjë Asociacionin, përndryshe nuk është interes kombëtar i Kosovës nëse nuk e zbaton planin franko-gjerman. Natyrisht, do të ishte tradhti kombëtare nëse e bën Asociacionin pa valuar flamuri i Kosovës në Beograd, para ndërtesës së Misionit të përhershëm atje. Është një çmim i lartë të cilin Kosova e paguan në këmbim të njohjes nga ana e Serbisë”, tha ai në emisionin “Debat Plus” në RTV Dukagjini.
Spahiu thotë se ajo çka paralajmëron ministri i Jashtëm i Britanisë së Madhe, David Cameron, është se tregon një situatë të rrezikshme që është në Kosovë.
