Nënkryetari i LDK-së, Lutfi Haziri, ka thënë se një qeveri dhe një kryeministër nën masa ndëshkuese politike, ekonomike e financiare për mosmbajtje të fjalës dhe obligimeve shtetërore, nuk ka asnjë meritë për liberalizimin e vizave.
Sipas Hazirit, tash është koha që kryeministri i vendit, Albin Kurti, të kërkojë falje për bllokimin 7-vjeçar dhe t’i tregojë popullit kur do të hiqen sanksionet.
“Një kryeministër që u flet 50 qytetarëve fitues të biletave gratis për Vjenë në aeroplanin edhe me mbi 200 të tjerë që shkojnë me gurbet për punë, është budallaki e llojit të vetë. Shpresoj që këta 50 përfituesit të mos jetë i gjithë Grupi Parlamentar i VV-së”, shkroi Haziri.
Tutje, ai tha se Vjena është vendi më i mirë kur Kosova, sipas tij, me unitet politik arriti deri te shpallja e Pavarësisë, në kohën kur siç tha ai, Kurti protestonte dhe martirizonte njerëz kundër saj.
POSTIMI I PLOTË:
Njiheni Europën nga afër dhe më shumë keni me e dashtë Kosovën!
Një qeveri dhe një kryeministër nën masa ndëshkuese politike, ekonomike e finaciare për mosmbajte të fjalës dhe obligimeve shtetërore, NUK ka asnjë meritë për liberalizimin e vizave pas vonesës prej 7 vitesh. Koha me kërku falje për bllokimin 7 vjeçar dhe me i tregu popullit kur largohen sanksionet.
Një kryeministër që u flet 50 qytetarëve fitues të biletave gratis për Vjenë në aeroplanin edhe me mbi 200 të tjerë që shkojnë me gurbet për punë, është budallaki e llojit të vetë. Shpresoj që këta 50 përfituesit të mos jetë i gjithë Grupi Parlamentar i VV-së!
Vjena është vendi më i mirë kur Kosva me unitet politik arriti deri te shpallja e Pavarësisë, në kohën kur Kurti protestonte e martirizonet njerëz kundër saj!
Njiheni Europën nga afër dhe më shumë keni me e dashtë Kosovën!
